Се вайна т1аоттаваьча кулгалхочог1 духьал халар фу бахьан долаш да дувцар ловра сун. Хета тармалой ванаг1 даим раьза воацаш, г1алаташ лехаш вакх ер а укхан аьнна. ВалЛах1и, дукха хьам нийсаделча, цхьа геттара къом из ца хилча, ца хьоаде г1ерташ дукхаз дитад аз. Къордаамадой е ха а хилац. Цхьа маьха ваг1аж мичав укхаз, денна а бусса цар леладер дувца. Такха хета тарлу цун дика дараж хьан дувцац аьнна.
Цу хаттарашт жоп луш цхьа массал доладергда аз, из хьакхашт доладераг1 къинтера довлалаш сона. Хьата къасста цу массалу сай уйла дик кхетаейтаргья аьнна хета. Чулацал кертач массала цхьа къонах ва вахаш, йоалая саг а йолаш. Такха из цун сесаг айлакъе лелар гучдаьннад. Из хьам гучдаьнначул т1ехьаг1а, цун мар ва яхачун цхьа уйла мара халъезац аьнна хета сона. Циг хаьдар цар вахар(нагахь юх мах баь, д1а-хьай къинтера а баьнна цар соцам бой ше ма дий). Такха из айлекъелелар даим хьара бетта дале а, е хьара шин-кхаь бетта дале а, цхьа систематически хилач, ший наькъатара яла в1алла дагахь йоацаш д1ахо юдача хана, такха хьата а цхьа уйла мара хил мич йиш я цог1, мегволча сагий. Из саг са саг яц ала деза цу, кеззигаг1 дале. Из йитар мара дарба дац. Хьата цу пельменеш дикам кийч ю, хьажал цу ков-карт мишт ц1енлеладу яхар корт болаш къамаьл мичад, цун г1алату доадеш ма дий из дерриг. Уйла ер дех аз цунаг1. Цхьадола во да, деррига доадеш. Цу д1аюв гаьнаш сун сен ез, цу чукхухьа ахча сен дез, цу тийга хьамаш сен ез, цун хьажюкъе массала седкъа бале а сун сен без?! Нагахь, цунаг1 из деза г1алат доале?
Такха из т1аоттаваь вола хьакиме а хал тарлу цу тайпара г1алаташ, цунга кульг дала сун бокъо ца луш.
Царег1 г1алат да, соахка Соаг1апча боабаь нах, уж бехке бале а, беци а. Цхьатара цхьа сценарий йоалаш я казнь яр из цу хана. Иштта йийна йоакха къалсаг, заводер болхало, из тахка ца хилар. Цу уж машенач хейша хилар царна бехк т1абилар а. Бузуртановаг1 лаьца в1ашаг1кхетардолча хана, цу аьнна дешаш, уж да тоаргдолаш. Массайта массайта бейна нах, боабаь нах, такх1а цунаг1 лаьца цун риторик.
Царег1 г1алат хет сона, цу вайна блогераш да яхаж долча наха дена жоп, Елхароева мичай аьнна вай тийнача хаттара. «Аз шуг хет мичай из» аьнна ма аьларий цу.
Царег1 г1алат да, вай ишколе бусулба наьха дувхар леладеча йи1игашта, вай телевидена дукх ха йоацаш хинна инцидентаг1 лаьца, цо му долча хьамашта лаьца цун йола позици.
Царег1 г1алат да, цу безработицег1 лаьца шийна лакхера хьакимашта д1атадехьа къамаьл. Укх блогач аз яздаьдар из соахка, цхьа шу хьалха. Х1анза тешаме гушда уж оапаж хинналга, х1аьта а из сага даг далац. Хьам дергдац, оапаж бувцаш хул, яхальг хургдакх цун га доахачар.
Царег1 г1алат да, цу съездаг1 цар в1ашаг1бела тийшаболх. Массанаьна ховш дакх из наха хетар доацальг. Малаг1 саг ва хоржамашт духьал хургвар, керта могаш воалаш? Укх блогосфере а гуш даркх, кхыметтел цун гадоахачар а т1ехь уж выбораш хилеза яхальг. Сон хац шон, цхьа саг вовзац суна цу выборашт духьал волчарег1, тахан хьалхале лелаежараш мара. Къамо выбораш езац йоах – аьнна д1адерза цар из дар а да доккха докха г1алат.
Царег1 г1алат да, тендер сайташ оаш хьаеле, цуча йоахк махинацеш. Цуч дукх ахч кхест. Дукх ахча в1алла де ма деза оформлять дуц, цу тендерашкам вайна гур цар соизволить даьр мар дац, хьата а цига а сийна ц1и я цара лелаер. Укх блогач аз яздаьдар цог1 лаьца, цар массайтаз я нарушенеш. Эффективно ца дохка ахч аз дувца а дувцац.
Царег1 г1алат да, цу шийна гунахьа гулбаь дукхаг1 бола нах. Селхан суд я нах, тахан мишт хул уллув? Аьъ, цул доакхаг1 бахьан мишт хул из саг кха уллув ца вейтара? А, хьамдергдац.
Царег1 г1алат да, дукха йоацаш судхочунца хинна истори а, из х1анзолца ший метте ваг1аш халар а. Уйла ел шой, цул геттара к1езигаг1 дола хьама вай кхувжбог1ача кагийчанаха дича, цу дир гуш ма дий. Вай мехкар ваьле вода из циг. "Хьанехк хьо вале х1анз чуг1о" - аьлча даьна хьам да из, иштта цу оалаш цаихийта нах а ба. Хьата судхо ваг1аш ва. Хьан ваг1а?
Царег1 г1алат да, Арамхи хинна дискотека цу из даьча наха из дитар.
Царег1 г1алат да, цхьа шу хьалха массо дийшача наха заявлени йича, къаракъ вай мехка доахкар кеззиг дираг1 лаьца, кхыйолча регионаш даьр массал лаьца. Цу цул т1ехьаг1 я йоала цхьа тувлаенна заявлени.
Царег1 г1алат да… масайта да уж. Такха цун хьалхашка аз укхаз белгалдаьха г1алаташ дийхкальга хов сона. Кхы а дукха а хов сона, цхьадараш белгалдаха безам а бац, харца кхетадир кхер. Цар тха на1арта ихийта нах ба. Цу г1о аьнна кульг яздаь, цу поручени енна йолаше, кха тха на1арт бахк юхь йоацаш, 1ийна нах ба, цунга ханнад тхо яхаж. Ну царел дукхаг1 из дагвоал суна, цу из поручени ялараг1 кхетац со. Сай 1овдал хетац сона, цунаг1 цадог1ар ца язде хьажав со ВАЛЛАХ1и, кхычар цунаг1 яздеж хилач цун га а даьхад аз(цхьа геттара ц1и ирчйоахаж иштта кхыдола тоамбоаца хьамаж яздеш хилач). Хьата а цун цу порученег1 кхетац со.
Г1алаташ тайп -тайпара да, цу мосашт сийрда басар деш хилар тарли йиш йолаш хьам ма дарий. Такха из сона дезаргдацар. Хьата а из цун г1алат(особенность кхытайпара аьлач) цун сел духьал хила бахьан дацар. Ший оамалаш йоалаш из саг хилар хьахьокхар цу цог1. Хьата вай положени кхытайпара я. Цуна магийта вай бокъо йоацаш г1алаташ да. Аз д1а лакхе долдаь массал согатал доалдаьдацар, со цунца д1ахьокха воалар шуг, харцаг1лела сесагац дувца къамаьл доацалга. Ший пельменеш, ший зизаш ийца ц1айоаде доаккха г1улакх дора цу.
Нагахьа санна е г1алатаг1 из дехке ваьлча, е цу шийна хетар пересмотреть дич, т1акха а ца1 хила мегар цог1. Из хургмадий аьнна сун гучог1 хьам дац. Ераж да са бахьанаш со цунна духьал хилар.
Из харц лувч хана, хьо харц лув а ца оалаш цун улув лелараш майра нах ба. Дал иман сабар лолд царна а, нагахь цунга цар сатувси. Дал иман сабар лолд вайна а, е латта харцо ла. Духьал кхы а дукхаг1 ше шийца саго къахьега дезалга хьахокх цар лелабеча тийшаболху. Къоана цар дезал, цу му чар дезал, кхы а сийдоацашаг1 хургба. Царна духьал латта дезараш, Далла лойа, вай да. Дал цу ханаг кийч хила низ лолба вайна.